ബെംഗളൂരു ∙ രണ്ടരമാസംകൊണ്ട് ഒന്നരക്കോടി പേരുടെ വയറുനിറച്ച് ഇന്ദിരാ കന്റീൻ. ബിബിഎംപി പരിധിയിൽ ആരംഭിച്ച 150 ഇന്ദിരാ കന്റീനുകളിൽനിന്നാണ് 83 ദിവസങ്ങളിലായി ഇത്രയും പേർ വിവിധ ദിവസങ്ങളിലായി ഭക്ഷണം കഴിച്ചത്. സ്വാതന്ത്ര്യദിനത്തിൽ ഉദ്ഘാടനം ചെയ്ത കന്റീനുകൾ 198 വാർഡുകളിലും ആരംഭിക്കാനായിരുന്നു പദ്ധതിയെങ്കിലും സ്ഥലമേറ്റെടുപ്പാണു ബിബിഎംപിക്കു പ്രതിസന്ധി സൃഷ്ടിച്ചത്.
ജനുവരി ഒന്നിനകം കർണാടകയിലെ വിവിധ ജില്ലാ ആസ്ഥാനങ്ങളിലും താലൂക്ക് ആസ്ഥാനങ്ങളിലും കന്റീനുകൾ ആരംഭിക്കാൻ വേണ്ട ക്രമീകരണങ്ങൾ ഒരുക്കാൻ ഉദ്യോഗസ്ഥർക്കു മുഖ്യമന്ത്രി സിദ്ധരാമയ്യ കർശന നിർദേശം നൽകിയിട്ടുണ്ട്. ബസ് സ്റ്റാൻഡുകൾ, സർക്കാർ ആശുപത്രികൾ എന്നിവയോടു ചേർന്നും ഇന്ദിരാ കന്റീനുകൾ ആരംഭിക്കും. സ്ഥലം ലഭിക്കാത്തയിടങ്ങളിൽ മൊബൈൽ കന്റീനുകൾ ആരംഭിക്കാൻ വേണ്ട ക്രമീകരണങ്ങൾ ഒരുക്കാനും മുഖ്യമന്ത്രി കർശന നിർദേശം നൽകി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
